jump to navigation

ከኦሮሞ ወጣቶች ግድያ ጀርባ ማነው ያለው? May 28, 2020

Posted by OromianEconomist in Uncategorized.
2 comments

ከኦሮሞ ወጣቶች ግድያ ጀርባ ማነው ያለው?

ሰሞኑን በሙላቷ ጉዳታ፣ በመሐመድ አሚን ሲራጅ፣ በለሊሳ ተፈሪ፣ በካዮ አቦሴ የጭካኔ ግድያ የተሰበረ ልባችን ሳያገግም ሃይማኖት በdhaadha የተባለች ለግላጋ ወጣት አውሬአዊ መንፈስ በተጠናወታቸው ጨካኞች ታረደች።
በበጋው ወራት በወልዲያ፣ በጎንደር፣ በደብረ ብርሃንና በድሬዳዋ ዩኒቨርሲቲዎች የኦሮሞ ወጣቶች ለትምህርት ወጥተው በጩቤ፣ በዱላ፣ በብረት እንደ እባብ ተቀቅጠው ወይም ከፎቅ ተወርውረው ሲገደሉ ነበር። አንድም የመንግሥት አካል የፌደራሉም ይሁን የክልል ያንን አስነዋሪ ድርጊት አላወገዘም። ወንጀለኞችን ለፍርድ አላቀረበም። ብልጥግናዎች ይህንን ነውረኛ ወንጀል አላማውገዛቸው የራሳቸውንም ነውረኝነት የሚያጋልጥ ነው። ይህንን ውንብድና ያላወገዘ፣ ተከታትሎ ያላጣራ፣ ውድ ልጆቻቸውን ያጡ ወላጆችን እግዚአብሔር ያጥናችሁ ለማለት ያልደፈረ አስተዳደር ነውረኛ ነው። በወለጋ፣ በጉጂና ቦረና በሚካሄደውን መንግስታዊ ሽብር እየተቀጠፉ ያሉ ወጣቶቻንን፣ በቤታቸው፣ በጓሮአቸው የሚረሸኑ እናቶችንንና አባቶችን ቤት ይቁጠራቸው። መቼም በነዚህ አካባቢዎች የሚንቀሳቀሱ አማጽያን ለመንግሥታዊ ሽብር እንደሰበብ ቢታሰበ እንኳን በሐረርና በሸገር ሰላማዊ ምሁራን ላይ የሚካሄደው ግድያ ምን ግብ፣ ምን ፖለቲካዊ አላማ ቢኖረው ነው?
እሺ ወንድ ልጅ የሆነ ነገር ተወራጭቶ ጉዳት ያደርሳል ተብሎ ይታሰብ። የጨቅላ ህፃናት እናትና ሀገር ደህና ብላ በምርምር ሥራዋ ላይ ደፋ ቀና የምትል ወጣት ለምን ትገደል?
ይህንን አረመኔያዊ ድርጊት የማያወግዝ፣ ወንጀለኛን ተከታትሎ ህግ ፊት የማያቀርብ መንግሥት የድርጊቱ አቀናባሪ ነው ከማለት ውጭ ሌላ ፍች አይኖረውም። ምንድነው እየተካሄደ ያለው?
እንዲህ ዓይነት አንድን ማህበረሰብ ለይቶ የጥቃት ዒላማ ያደረገ አገዛዝ ኢትዮጵያን ለዘላለም አስከብሮ ለዘላለም ሊያቆያት ይችላልን? ወይስ ኢትዮጵያን ሊያፈርሳት ዕቅድ ይዞ እየተንቀሳቀሰ ነው?
እኔ እስከሚገባኝ ድረስ ፖለቲካ የአስተዳደር ጥበብ ነው። ሽብር፣ መግደል፣ ማዋከብ፣ ማሰር፣ ማሸማቀቅ ጥበብ አይደለም። ይህንንም ማንም ዶማ ራስ ይከውነዋል። ለመግደል ምን ጥበብ ይፈልጋል? ለማሰቃየት ምን ጥበብ ይፈልጋል? ደደቦች የተፈጠሩት ለንዲህ አይነት የህሊናን ምርምር ለማይጠይቅ ተግባር አይደለምን?
የብልፅግና መንግሥት ሆይ ንፁሃን በመግደል ትከስራላችሁ እንጂ አታተርፉም። እናንተ ካልሆናችሁ (ወታደሮቻችሁን ማለቴ አይደለም፣ በናንተ ዋናይነት የሚካሄድ) ከዚህ ሽብር ጀርባ ያላችሁ፣ ገዳዮችን አሁኑኑ ለፍርድ አቅርቡ።

Oromia (Ethiopia): EXCLUSIVE: Health woes, outrage, and toxins near Ethiopia gold mine: ‘We are the walking dead.’ May 28, 2020

Posted by OromianEconomist in Uncategorized.
3 comments

EXCLUSIVE: Health woes, outrage, and toxins near Ethiopia gold mine

‘We are the walking dead.’

Click the links to read the article https://www.thenewhumanitarian.org/investigation/2020/05/27/Ethiopia-Oromia-Shakiso-gold-mine-health-problems